Chinese CCTV Ban India : ભારત સરકારે 1 એપ્રિલથી ચીની CCTV કેમેરા પર પ્રતિબંધ મૂકવાનો નિર્ણય લીધો છે. જાણો કયા બ્રાન્ડ્સ પર રોક લાગી છે અને તમારા ઘરનો ડેટા ચોરી થતો કેવી રીતે અટકાવવો.
Chinese CCTV ban India : આપણે આપણા ઘર કે ઓફિસની સુરક્ષા માટે CCTV કેમેરા લગાવીએ છીએ જેથી નિશ્ચિંત રહી શકાય. પરંતુ જો આ જ કેમેરા તમારી જાસૂસી કરવા લાગે તો? આ વાત અત્યારે ચર્ચામાં છે કારણ કે ભારત સરકાર હવે ચીની સીસીટીવી કેમેરા પર કડક કાર્યવાહી કરવા જઈ રહી છે. જો તમે નવો કેમેરો ખરીદવાનું વિચારી રહ્યા છો અથવા પહેલેથી જ ચીની કેમેરા લગાવી રાખ્યા છે, તો તમારે સાવધ થવાની જરૂર છે.
1 એપ્રિલથી આ કંપનીઓ પર લાગશે પ્રતિબંધ
કેન્દ્ર સરકારે ડેટા સુરક્ષાને ધ્યાનમાં રાખીને નવી ગાઈડલાઈન્સ જાહેર કરી છે. આ નિયમો મુજબ 1 એપ્રિલથી ભારતમાં Hikvision અને Dahua જેવી મોટી ચીની કંપનીઓના સીસીટીવી કેમેરાના વેચાણ પર રોક લગાવી દેવામાં આવી છે. નવા STQC (સ્ટાન્ડર્ડાઈઝેશન ટેસ્ટિંગ એન્ડ ક્વોલિટી સર્ટિફિકેશન) નિયમો હેઠળ હવે ચીની કંપનીઓને સર્ટિફિકેટ નહીં મળે. એટલું જ નહીં, જે કેમેરામાં ચીની ચિપસેટનો ઉપયોગ થયો હશે, તેને પણ સરકાર મંજૂરી નહીં આપે.
ડેટા ચોરીનો મોટો ખતરો
ભારતીય બજારમાં ચીની કેમેરાનું પ્રમાણ ઘણું વધારે છે કારણ કે તે સસ્તા અને સરળતાથી મળી રહે છે. નિષ્ણાતોનું માનવું છે કે આ કેમેરામાં રેકોર્ડ થતો ડેટા ઘણીવાર ચીન સ્થિત સર્વર્સમાં સ્ટોર કરવામાં આવતો હતો. નેત્રિકા (Netrika) ના એમડી સંજય કૌશિકના જણાવ્યા મુજબ, સરકારનો આ નિર્ણય રાષ્ટ્રીય સુરક્ષા માટે ખૂબ જ મહત્વનો છે. આનાથી ભારતીય બ્રાન્ડ્સ જેમ કે CP Plus અને અન્ય સ્થાનિક કંપનીઓને પ્રોત્સાહન મળશે અને આપણી અર્થવ્યવસ્થાને પણ ફાયદો થશે. અમેરિકા જેવા દેશો પણ આ બાબતે પહેલા ચેતવણી આપી ચુક્યા છે.
હવે કયા કેમેરા ખરીદવા જોઈએ?
જ્યારે સુરક્ષાની વાત આવે ત્યારે હંમેશા વિશ્વસનીય બ્રાન્ડ પસંદ કરવી જોઈએ. અત્યારે ભારતમાં CP Plus, Qubo, Prama, Matrix અને Sparsh જેવી સ્વદેશી કંપનીઓ મજબૂત વિકલ્પ તરીકે ઉભરી રહી છે. કેમેરા ખરીદતી વખતે હંમેશા તેના પર BIS (બ્યુરો ઓફ ઈન્ડિયન સ્ટાન્ડર્ડાઈઝેશન) માર્ક છે કે નહીં તેની તપાસ અચૂક કરવી.
તમારા ડેટાને આ રીતે રાખો સુરક્ષિત
માત્ર સારો કેમેરો ખરીદવો પૂરતું નથી, તેની જાળવણી પણ જરૂરી છે. તમારા ખાનગી વીડિયો અને ડેટાને સુરક્ષિત રાખવા માટે આ બાબતોનું ધ્યાન રાખો:
- લોકલ સ્ટોરેજ: બને ત્યાં સુધી સીસીટીવી ફૂટેજને ઈન્ટરનેટ સર્વર કે ક્લાઉડ પર સ્ટોર કરવાને બદલે લોકલ સ્ટોરેજ (મેમરી કાર્ડ અથવા હાર્ડ ડિસ્ક) માં સેવ કરો.
- સર્વરની તપાસ: જો તમે ક્લાઉડ સ્ટોરેજ વાપરતા હોવ તો ખાતરી કરો કે તેના સર્વર કયા દેશમાં છે. ગૂગલ કે માઈક્રોસોફ્ટ જેવી કંપનીઓના સર્વર અમેરિકામાં હોય છે જે વધુ સુરક્ષિત માનવામાં આવે છે.
- પાસવર્ડ અપડેટ: કેમેરા લગાવતી વખતે જે કંપનીનો ડિફોલ્ટ પાસવર્ડ હોય તેને તરત જ બદલી નાખો. એક મજબૂત પાસવર્ડ રાખો અને સમયાંતરે તેને બદલતા રહો.
- ફર્મવેર અપડેટ: કેમેરાનું સોફ્ટવેર એટલે કે ફર્મવેર સમયસર અપડેટ કરતા રહો જેથી હેકર્સ તેમાં કોઈ છીંડા ન શોધી શકે.
સરકારના આ કડક પગલાંનો મુખ્ય ઉદ્દેશ્ય સામાન્ય નાગરિકોની પ્રાઈવસી અને દેશની સુરક્ષા જાળવવાનો છે. સસ્તાના ચક્કરમાં તમારી અંગત પળોને જોખમમાં મૂકવા કરતાં સુરક્ષિત અને ભારતીય બનાવટના કેમેરા પસંદ કરવા એ જ સમજદારી છે.
Read Also : વોટ્સએપ થી LPG Cylinder Booking: ઘરે બેઠા ગેસ બુક કરો , Bharatgas અને Indane સંપૂર્ણ ગાઈડ